ശെന്തരുണി വന്യജീവിസങ്കേതം

 

             ഉഷ്ണമേഖലാ കാടുകളിലേക്കുള്ള സഞ്ചാരമാകാം ഇവിടെ. കൂട്ടിന് ആന, കടുവ, മ്ലാവ്, പുലി, മാന്‍ തുടങ്ങിയ ജീവികളും ഉണ്ടാകും. 1984 മുതല്‍ വന്യജീവി സങ്കേതമായി അറിയപ്പെട്ടു തുടങ്ങിയ ചെന്തരുണിക്ക് ഇവിടെ വളരുന്ന ചെങ്കുറിഞ്ഞി എന്ന അപൂര്‍വ്വ സസ്യ ഇനത്തില്‍ നിന്നാണ് ആ പേരു ലഭിച്ചത്. വനത്തിനുള്ളില്‍ 26 ചതുരശ്ര കിലോ മീറ്ററില്‍ ഒരു കൃതൃമ തടാകം കാണാം. ശെന്തരുണി, കുളത്തൂപുഴ നദികള്‍ക്കു കുറുകെ പേപ്പാറ ഡാം നിര്‍മ്മിച്ചപ്പോള്‍ രൂപപ്പെട്ടതാണ് ആ തടാകം.

               ഇവിടെ ഗുഹപോലെ ഒരു ശിലാരൂപീകരണമുണ്ട്. ചരിത്രാതീത കാലത്തെ ചില രേഖപ്പെടുത്തലുകള്‍ ഇതില്‍ കാണാം. പുരാവസ്തു വിദഗ്ധരുടെ അഭിപ്രായത്തില്‍ B C 5210 നും 4420 നും ഇടയിലുള്ള മെസോലിത്തിക് കാലത്തുള്ളതാണ് ഈ ലിഖിതങ്ങള്‍.

യാത്രാസൗകര്യം

• റോഡു മാര്‍ഗം : കൊല്ലത്തു നിന്ന് 66 കി. മീ.
• സമീപ റെയില്‍വെസ്റ്റേഷന്‍ : തെന്മല
• സമീപ വിമാനത്താവളം : തിരുവനന്തപുരം ഇന്റര്‍നാഷണല്‍ എയര്‍പോര്‍ട്ട്, ഏകദേശം 72 കി. മീ. അകലെ.

കൂടുതല്‍ വിവരങ്ങള്‍ക്ക് :
ചീഫ് കണ്‍സര്‍വേറ്റര്‍, ഫോറസ്റ്റ്
തിരുവനന്തപുരം - 695014
ഫോണ്‍ : + 91 471 322217

അല്ലെങ്കില്‍

വൈല്‍ഡ്‌ലൈഫ് വാര്‍ഡന്‍
ശെന്തരുണി വന്യജീവിസങ്കേതം
തെന്മല ഡാം പി. ഒ., കൊല്ലം
ഫോണ്‍ : + 91 475 344600